Monda ASEMBLEO Socia (MAS)  [<<<]
Usonajn manojn for de Sirio
de Renato CORSETTI  
4a novembro 2016

Hieraŭ nome de la grupo ’progresemaj esperantistoj’ mi subskribis ĉi tiun deklaron kaj ankaŭ tradukis ĝin el la angla al Esperanto. Ĉiu rajtas libere disvastigi ĝin.

Renato Corsetti

Usonajn manojn for de Sirio

Urĝa mesaĝo por paco antaŭ la limo de pli vasta milito

Ni levas nian voĉon kontraŭ la perforto de milito kaj la enorma premo de milita propagando, mensogoj kaj kaŝitaj celoj, kiuj estas uzataj por pravigi ĉi tiun militon kaj ĉiujn pasintajn usonajn militojn.

Ni, la subskribintaj organizaĵoj kaj individuoj, subtenas la sekvajn Unuecajn Punktojn, kaj ni laboros kune kiel laŭcela koalicio por helpi fini la intervenon por reĝim-ŝanĝo fare de Usono, NATO kaj iliaj regionaj aliancanoj kaj la mortigon de senkulpaj homoj en Sirio :

1. La daŭrigo de milito en Sirio estas la rezulto de interveno aranĝita de Usono kaj farita de Usono, NATO, ilia regionaj aliancanoj kaj reakciaj fortoj. La celo de tiu interveno estas ŝanĝo de la reĝimo en Sirio.

2. Ĉi tiu politiko de ŝanĝo de la reĝimo estas eksterleĝa kaj en klara rompo de la Ĉarto de Unuiĝintaj Nacioj, la teksto kaj la spirito de la internacia juro kaj de la Universala Deklaro pri Homaj Rajtoj.

4. Ĉi tiu politiko de perforta ŝanĝo de la reĝimo minacas la sekurecon de la regiono kaj de la mondo kaj ĝi pliigis la danĝeron de rekta konfrontiĝo inter Usono kaj Rusujo, kun la potenciala sekvo de nuklea katastrofo en la tuta mondo.

5. Milito kaj la sankcioj de Usono kaj Eŭropa Unio malstabiligis ĉiun sektoron de la siria ekonomio, kaj ili transformis iam mem-sufiĉan landon al lando dependa de helpo. Duono de la siria loĝantaro estas nun dislokigita. Raporto de UN ESCWA malkaŝas, ke ĉi tiuj usonaj sankcioj al Sirio detruas helpolaboron dum unu el la plej grandaj homa krizo de la dua Mondmilito. La triono de la siriaj riguĝintoj en la najbaraj Jordanio, Libano kaj Turkujp estis multe frapitaj de la usonaj buĝetaj tranĉoj al UNICEF. Ĉi tio devigas senesperajn rifuĝintojn klopodi atingi Eŭropon.

6. Neniu fremda instanco, kaj fremda registaro aŭ armita grupo, havas la rajton perforti la fundamentajn rajtojn de la siria popolo al sendependeco, nacia suvereneco kaj memregado. Tio inkluzivas la rajton de la siria registaro peti kaj akcepti armean subtenon de aliaj landoj, kiel eĉ la usona registaro diris.

7. Nur la popolo de Sirio havas la netransdoneblan rajton elekti siajn proprajn gvidantojn kaj difini la karakteron de la propra registaro, libere de fremdaj intervenoj. Ĉi tiu rajto ne povas bone esti plenumata en la kondiĉoj de la fremda interveno aranĝita de Usono kontraŭ la siria popolo.

8. Nia kontraŭstaro estas kontraŭ la reĝimŝanĝo en Sirio fare de fremdaj potencoj kaj de iliaj dungosoldatoj subtenataj de Usono. Ne estas nia afero subteni aŭ kontraŭi la prezidanton Asad aŭ la sirian registaron. Nur la siria popolo havas la rajton decidi pri la legitimeco de sia registaro.

9. La plej urĝa temo nuntempe estas paco kaj fino de la perforto de fremda interveno, kiun sekvis la morto de centoj da miloj da homoj kaj la dislokigo de milionoj da sirianoj kaj interne kaj kiel rifuĝintoj eksterlande.

Baziĝinte sur tiuj Unuecaj Punktoj, ni, kiel indivuoj kaj organizaĵoj – en laŭcela koalicio – konsentas pri la ĉi-sekvaj celoj kaj devigas nin labori kune por helpi atingi ilin :

1. Tuja fino de la usona politiko de perforta reĝim-ŝanĝo en Sirio kaj plena agnosko de kaj obeo al la principoj de internacia juro kaj al la Ĉarto de UN, inkluzive de la respekto pri la sendependeco kaj teritoria integreco de la teritorio de Sirio fare de Usono, NATO kaj iliaj aliancanoj.

2. Tuja fino de ĉia fremda agreso kontraŭ Sirio, kaj serioza klopodo al politika solvo de la milito.

3. Tuja fino al ĉia milita, financa, transporta kaj spiona subteno fare de Usono, NATO kaj iliaj regionaj aliancanoj al ĉiuj fremdaj dungosoldatoj kaj ekstremuloj en la regiono de Meza Oriento.

4. Tuja fino de ekonomiaj sankcioj kontraŭ Sirio. Amasa internacia helpo por dislokigitaj homoj en Sirio kaj por siriaj rifuĝintoj eksterlande.

Nur en paca kaj sendependa Sirio, libera el fremda agreso, la popolo de Sirio povos libere plenumi siajn suverenajn rajtojn, esprimi sian liberan volon kaj fari liberajn elektojn pri sia registaro kaj pri la gvidantoj de sia lando.

Ni invitas ĉiujn subtenantojn de paco kaj de la rajto de la popoloj al memdecidado en la t uta modno kunigi sin por kunlabori en ĉi tiu klopodo atingi ĉi tiujn hom-amajn celojn.

Ni bezonas labor-postenojn, san-servojn, edukadon kaj fino de la rasisma perforto de la polico ĉi tie hejme ne usonajn militojn eksterlande !!

—  Renato Corsetti, 117 Dukes Avenue, London N10 2QD, UK/Britujo tel. +393286315655, +447399273515 renato.corsetti@gmail.com